SQO-da 108 synyptyń oqýshylary JRVI-ge baılanysty onlaın oqyp jatyr

PETROPAVL. KAZINFORM – Soltústik Qazaqstan oblysynda jiti respıratorlyq vırýstyq ınfektsııa juqtyrǵan oqýshylar sany azaıyp keledi. Desek te áli de 30 mektepte oqytýdyń onlaın formaty engizilgen.

SQO bilim basqarmasy baspasóz qyzmetiniń málimetinshe, ótken úsh kúnmen salystyrǵanda syrqattanǵan oqýshylar sany shamamen 600-ge qysqarǵan. Qazirgi ýaqytta 30 mektepten 579 bala aýyryp jatyr. Oqýshylardyń 30% astamy mektepte bolmaǵandyqtan 108 synyptyń 809 oqýshysy qashyqtan oqýǵa jiberildi. 

Qazirgi ýaqytta Shal aqyn aýdany Aqsý orta mektebi, Vlasovka orta mektebi jáne Aqqaıyń aýdanynyń A.Hımenko atyndaǵy Qııaly orta mektebi tolyq onlaın formatqa kóshirilgen. 

Іshinara qashyqtan oqýǵa kóshirilgen 27 mekteptiń on biri Petropavlda ornalasqan. 

Sondaı-aq Aqqaıyń aýdanynda 2 mektep, M.Jumabaev, Tımırıazev, Jambyl aýdandarynda – 4, Taıynsha, Ýálıhanov aýdandarynda – 1 bilim ordasynda synyptar ýaqytsha qashyqtan oqýǵa kóshirildi. 

Juqpaly vırýstyq ınfektsııanyń taralýyn azaıtý úshin óńirdiń bilim berý mekemeleri «bir synyp – bir kabınet» júıesin engizgen. Sondaı-aq maska taǵý mindetteldi. 

Buǵan deıin SQO-da JRVI-men aýyrǵandardy qosymsha qabyldaýǵa 55 oryn daıyn turǵanyn jazǵan edik.