SQO-da 104 mln teńgege jýyq eńbekaqy qaryzy qaıtaryldy
PETROPAVL. KAZINFORM – Soltústik Qazaqstan oblysynda jyl basynan beri óńir prokýrorlary 3082 qyzmetkerdiń quqyǵyn qorǵady.
SQO prokýratýrasynyń málimetinshe, Qyzyljar aýdany men Petropavl qalasynyń jumys berýshileri 553 jumysshyǵa jalpy somasy 103,7 mln teńge eńbekaqy tólemegen.
Esil jáne Ýálıhanov aýdandarynda bilim berý mekemeleriniń 282 qyzmetkeri arnaıy kıimmen (maqta-matadan tigilgen halattar, qolǵaptar, otqa tózimdi aljapqyshtar, qolǵaptar jáne t.b.) qamtamasyz etilmegen.
Prokýrorlyq qadaǵalaý aktilerinen keıin jalaqy boıynsha bereshek tolyǵymen óteldi, qyzmetkerlerge arnaıy kıim berildi, kináliler zańǵa sáıkes jaýapqa tartyldy.
Óńir prokýrorlary jumys berýshilerge Qazaqstan Respýblıkasynyń eńbek zańnamasyn múltiksiz saqtaý qajettigin eske salady, ony buzý zańda belgilengen jaýaptylyqqa ákep soǵady.
Buǵan deıin Qaraǵandy oblysynda quqyq qorǵaý organdary dızel otynyn temirjoldyń jyljymaly quramynan júıeli túrde urlap kelgen qylmystyq toptyń áreketine tosqaýyl qoıǵanyn jazǵan edik.