SQO-da 102 qyzmetine táýligine 350 ret qońyraý shalynady
PETROPAVL. QazAqparat - Coltústik Qazaqstan oblysynda 102 nómiriniń kezekshilik aýysymy kún saıyn 350-ge jýyq qońyraý qabyldaıdy, dep habarlaıdy QazAqparat tilshisi.
Polıtsııa departamenti baspasóz qyzmetiniń málimetinshe, byltyr 102 pýltyna 127 myńnan astam márte qońyraý shalyndy. 17 myń oqıǵa boıynsha adamdar tez arada polıtsııanyń aralasýyn talap etken qylmystar men oqıǵalar týraly habarlaǵan. Kelip túsken habarlamalardyń arqasynda 2,5 myńnan astam qylmys izi sýymaı ashyldy.
Jedel basqarý ortalyǵy táýlik boıy jumys isteıdi.
«Kezekshilikke túsetin ofıtserler basshylyqty polıtsııanyń keshendi kúshimen júzege asyryp, jasalǵan qylmystar nemese iz-túzsiz joǵalǵan adamdar boıynsha tuspaldaý qurastyrady. Olar jedel tergeý tobynyń oqıǵa ornyna ýaqytyly kelýin baqylaıdy. Patrýlderdiń qyzmet júrgizýi GPS tehnologııasy arqyly qadaǵalanady», - dep baıandady jedel josparlaý basqarmasynyń bastyǵy Baqytjan Álbekov.
Beınebaqylaý operatorlary da qyzmetin osyndaı rejımde atqarýda. Olar bir jyldyń ishinde 17 myńnan astam quqyq buzýshylyqty, qylmystyq quqyq buzýshylyqty ashýǵa septigin tıgizetin júzdegen faktilerdi anyqtaǵan. Sıpattaý boıynsha kúdiktilerge uqsas tulǵalardy beınejúıe arqyly izdeý urlyq, kólik urlyqtary, dene jaraqaty qylmystaryn ashýǵa kómektesedi.
B.Álbekovtiń aıtýynsha, jyl ishinde Petropavl polıtsııa quramynyń jaýyngerlik ázirligin qamtamasyz etýge erekshe kóńil bólingen. Krızıstik jaǵdaı oryn alǵan kezde is-áreketter daǵdylary oqý-jattyǵý sabaqtary barysynda úıretildi.
Avtor: Olesıa Jýkoven
