SQO-da 100-den asa kásiporyn «Ashyq» jobasyna qosyldy
SQO kásipkerler palatasy baspasóz qyzmetiniń málimetinshe, óńirde osy kúnge deıin 111 kásipkerlik nysany «Ashyq» jobasyna qosyldy. Olardyń 50-ge jýyǵy - óńirdiń qoǵamdyq tamaqtaný nysandary.
«Buǵan deıin restoratorlar arasynda «Ashyq» jobasyna qosylýǵa nıet bildirgender az boldy. Oǵan bizdiń óńirdiń uzaq ýaqyt boıy «jasyl» aımaqta bolýy sebep. Oblys «sary» aımaqqa ótip, shekteýler engizilgennen keıin, jobaǵa suranys artty. Qosymsha bizge «sary» aımaqta bolsaq ta, qalypty jumys isteýge múmkindik beredi. Mysaly, qazir meıramhanalarǵa saǵat 24.00-ge deıin ǵana jumys isteýge ruqsat. Al «Ashyq» jobasyna qatysýshylar túngi saǵat 2.00-ge deıin ashyq. Sol sebepti kásipkerler belsendilik tanytyp jatyr. Tek bir kúnniń ishinde 7 qoǵamdyq tamaqtaný orny QR-kod aldy», - deıdi SQO restoratorlar men otelerler qaýymdastyǵynyń tóraǵasy, SQO aýmaqtyq keńesiniń múshesi Saıran Hamzın.
SQO-da «Ashyq» jobasyna qosylǵandardyń 63-i tolyqqandy qatysýshy bolsa, 48-i testilik rejımde jumys istep jatyr.
SQO kásipkerler palatasy dırektorynyń orynbasary Jeńis Qazıevtiń aıtýynsha, qosymshanyń jumysynda tehnıkalyq aqaýlar bolǵan, alaıda qazir baǵdarlama jumys istep tur jáne nátıjesin berip jatyr.
«Baǵdarlamanyń kómegimen kún saıyn karantın talabyn buzǵan 200-deı adam anyqtalady. Bul adamdar ózderiniń aýyrǵanyn bilgenimen, talapty buzyp, qoǵamdyq oryndarǵa barady. «Ashyq» - súzgi tárizdes, bul qosymshaǵa qosylǵan mekemeler qaýipsiz, óıtkeni olar naýqastardy kirgizbeıdi. Bizdiń óńirde de karantınde otyrýy tıis adamdardyń meıramhana men dámhanaǵa kirmek bolǵan jaǵdaılary anyqtaldy. Mamandar olarǵa tıisti sharalar qoldandy. ıAǵnı, birinshi ret eskertedi, qaıtalansa – aıyppul salady», - deıdi Jeńis Qazıev.