SQO-da 10 eldimekende karantın talaptary kúsheıtildi
PETROPAVL. QazAqparat – Soltústik Qazaqstan oblysynda koronavırýstyń taralýyna baılanysty taǵy 10 eldimekende karantın talaptary kúsheıtilip, turǵyndardyń júrip-turýy shekteldi, dep habarlaıdy QazAqparat tilshisi.
SQO Taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, karantındik shekteýler kúsheıtilgen eldimekenderdiń sany onǵa jetti. 9 qazan kúni Býlaev jáne Mamlıýtka qalalary karantınge jabylǵan edi. 12 qazan kúni olardyń qataryna Aqjar aýdanynyń Kazanskoe, Lenıngradskoe eldimekenderi qosyldy.
14 qazan kúni Shal aqyn aýdanynyń Povozochnoe, al 16 qazan kúni Taıynsha aýdanynyń Kırov jáne Chermoshnıanka eldimekenderinde koronavırýsty juqtyrýshylardyń kóbeıýine baılanysty karantın talaptary kúsheıtildi. Esil aýdanynyń ıAvlenka, Pokrovka jáne Chırıkovka aýyldarynda 17 qazannan beri turǵyndardyń júrip-turýyna shekteý bar.
«Bul eldimekenderdiń keıbirine blokpostar qoıyldy. Jalpy mundaı beketterdi qoıý-qoımaýdy jergilikti shtab pen polıtsııa sheshedi. Aýdandardyń bas sanıtarııalyq dárigerleriniń qaýlysy boıynsha nysandar jumys isteıdi», - deıdi baspasóz mamandary.
SQO-da osy kúnge deıin koronavırýs ınfektsııasyn juqtyrýdyń 4309 deregi tirkeldi. KVI-men aýyrǵandardyń 4024-i táýir bolsa, 25-i qaıtty.
SQO Densaýlyq saqtaý basqarmasy baspasóz qyzmetiniń málimetinshe, qazir óńirdegi provızorlyq statsıonarlarda 146 oryn bar, ol búginde 52%-ke tolyq. Infektsııalyq statsıonarlarda 221 jatyn oryn bolsa, 35% naýqastar em alyp jatyr.
Ótken táýlikte oblysta 1040 adamnan PTR test alynsa, sonyń segizinde qaýipti aýrý rastaldy. Qazirgi kezde naýqastardyń toǵyzynyń jaǵdaıy aýyr.
