SQO-da 1 jeltoqsanda analogtyq telehabar taratý óshiriledi
Búgin SQO teleradıo habarlaryn taratý dırektsııasy basshysynyń mindetin atqarýshy Erkin Mekenov brıfıngte óńirdi tsıfrlyq efırlik telehabar taratý júıesine kóshirý boıynsha atqarylyp jatqan jumystar týraly habardar etti.
Erkin Mekenovtyń aıtýynsha, bıyl SQO men Almaty qalasy tolyq tsıfrlyq habar taratý júıesine kóshpek. QR Aqparat jáne kommýnıkatsııa mınıstrliginiń buıryǵyna sáıkes bul meje 1 jeltoqsanǵa belgilengen. Bul kúni analogtyq telehabar taratý jelisi óshiriledi.
«Tsıfrlyq habar taratýǵa kóshý jobasy aıasynda kóptegen daıyndyq jumystary júrdi. Aımaqta 42 radıo-televızııalyq stansa turǵyzylyp, jańǵyrtýdan ótkizildi. Nátıjesinde tsıfrlyq efırlik habar taratý sıgnalymen 617 eldi meken qamtylyp otyr. Osylaısha 538 myńǵa jýyq adamǵa, ıaǵnı oblys halqynyń 98 % jańa júıe qoljetimdi bolmaq», - deıdi Erkin Mekenov.
«Qazteleradıo» AQ tehnıkalyq ortalyǵynyń málimeti boıynsha, analogtyq teleradıohabar taratý jelisi óshirilgen soń óńirdiń 4 myńnan astam halqy bar 21 eldimekeni teledıdar kóre almaıdy. Bul aýyldardy tsıfrlyq habar taratý júıesine qosý boıynsha is-sharalar josparyna sáıkes qosymsha jumystar júrgizilmek.
«Tsıfrlyq habar taratýǵa kóshýdiń arqasynda turǵyndar habar taratatyn telearnalardyń ónimin joǵary sapada kóre alady. Habarlardyń beınesi men dybysy jaqsarady. Ekinshiden qoljetimdi telearnalardyń sany ulǵaıady. Búginde oblys aýdandarynda 11 telearna kórsetedi. 1 jeltoqsannan bastap olardyń sany 15-ke artpaq. Jańa formatqa kóshý – Reseımen shekaralas ornalasqan oblys aýyldary úshin tıimdi bolady. Óıtkeni turǵyndar qazir kórshi memlekettiń telearnalaryn kórýge májbúr. Endi halyq ulttyq jáne jergilikti arnalardy tamashalaýǵa múmkindik alady», - deıdi SQO teleradıo habarlaryn taratý dırektsııasy basshysynyń mindetin atqarýshy Erkin Mekenov.