SQO-da 1 jasar sábı terezeden qulap kóz jumdy
PETROPAVL. QazAqparat - Petropavlda 2018 jyly týǵan qyz kóp qabatty úıdiń terezesinen qulap, mert boldy, dep habarlaıdy QazAqparat tilshisi.
Qaıǵyly oqıǵa búgin keshki saǵat 18.10-da bolǵan.
SQO Tótenshe jaǵdaılar departamenti baspasóz qyzmetiniń habarlaýynsha, 1 jasar qyz bala Qazaqstan Konstıtýtsııasy kóshesindegi 9 qabatty úıdiń sońǵy qabatynan qulap ketken. Alǵan jaraqattardan sábı sol jerde kóz jumdy.
Osyǵan oraı qutqarýshylar saqtyq sharalaryn umytpaýdy suraıdy. ıAǵnı, úıde bala bolǵan jaǵdaıda terezeni ashyq qaldyrmaýdy, terezeniń qorǵanyshy bolmasa moskıttik tordy qoldanbaýdy, ásirese tereze, balkon qasynda oınap júrgen balany baqylaýsyz qaldyrmaýdy, tereze janyna jıhaz qoıýmaýdy eskertedi. Sondaı-aq ata-analar eresek balalaryn kishilerine bas-kóz bolýdy úıretkenderi jón.
Mamandardyń aıtýynsha, qazirgi tańda saýdada terezege qoıatyn túrli qorǵanysh blokıratorlar jeterlik. Ol balaǵa terezeni ózdiginen ashýǵa múmindik bermeıdi.
Osydan bir apta buryn Petropavlda 2 jasar sábıdiń besinshi qabattan qulap mert bolǵandyǵy jóninde aıtqan edik.
