SQO-da 1 jasar sábı sý toly ydysqa batyp ketti
PETROPAVL. QazAqparat – Soltústik Qazaqstan oblysynda eresekterdiń kózinen tasa qalǵan bir jasar sábı aýlada sý quıylǵan ydysqa batyp ketti, dep habarlaıdy «QazAqparat» HAA tilshisi.
SQO Tótenshe jaǵdaılar departamenti baspasóz qyzmetiniń málimetinshe, qaıǵyly oqıǵa Tımırıazev aýdany Dokýchaevo eldi mekeninde saǵat 17.00 shamasynda bolǵan. Jeke turǵyn úıdiń aýlasynda úlkenderdiń qaraýynsyz qalǵan 2019 jyly týǵan sábı mert boldy.
«Qyz bala aýladaǵy sý quıylǵan ydysqa qulap ketken. Bes mınýttan keıin sábıdi anasy taýyp aldy. Sýdan alyp shyqqanymen, kesh boldy», - deıdi SQO TJD bastyǵynyń orynbasary Nurlan Atyǵaev.
