SQO-da 1 tamyzdan bastap elektr energııasy qymbattaıdy
PETROPAVL. QazAqparat – Soltústik Qazaqstan oblysyn elektrmen qamtýshy kompanııa 1 tamyzdan bastap tarıfti 12 % ósirmek, dep habarlaıdy QazAqparat tilshisi.
«SevKazEnergoSbyt» JShS bul qadamǵa amalsyzdan baryp otyrǵanyn aıtady. Óıtkeni kásiporyn energııanyń 1kVt/saǵatyn Jylý elektr ortalyǵynan buǵan deıin 6,7 teńgege satyp alyp kelse, qazir jetkizýshi kompanııa tarıfti 8,38 teńgege kóterip jibergen.
«Tarıfti túzetin basqa da qyzmet túrleri, jabdyqtaý quny ózgerissiz qaldy. Nátıjesinde jeke tulǵalar elektr energııasynyń 1kVt/saǵatyna buryn qosymsha qun salyǵynsyz 14,21 teńge tólese, endi 12% qymbattaǵannan keıin 15,89 teńge tóleıtin bolady. Bizdiń esebimiz boıynsha tutynýshylar túbirtek boıynsha orta eseppen 200 teńge artyq tóleıtin bolady», - deıdi «SevKazEnergoSbyt» JShS bas dırektory Maǵaýııa Saǵyndyqov.
Energetıkterdiń aıtýynsha, respýblıka boıynsha elektr energııasynyń ortasha tarıfi 1kVt/saǵatyna 17,81 teńge turady, bul – SQO-nyń tarıfinen 11,8% nemese 1,89 teńgege qymbat.
Búginde kásiporynnyń 164 464 abonenti bar, onyń 92 myńnan astamy Petropavlda turady.
