SQO-da 1,5 myńǵa jýyq medıtsına qyzmetkeri ústemeaqy aldy
PETROPAVL. QazAqparat – Soltústik Qazaqstan oblysynda qaýipti vırýspen kúreste aldyńǵy shepte júrgen 1 491 medıtsına qyzmetkeri ústeme aqy aldy, dep habarlaıdy QazAqparat tilshisi.
«Áleýmettik medıtsınalyq saqtandyrý qory» KEAQ SQO boıynsha fılıaly baspasóz qyzmetiniń málimetinshe, qyzmetkerlerge syıaqy berý jónindegi sheshimdi jedel shtabtar janynan arnaıy qurylǵan óńirlik komıssııalar qabyldaıdy. Komıssııa quramyna ákimdik, densaýlyq saqtaý basqarmasy, qor fılıalynyń ókilderi kiredi. Al qor osy komıssııalar usynǵan tizimderge sáıkes tólemder júrgizedi.
Jalpy el boıynsha epıdemııaǵa qarsy is-sharalarǵa qatysatyn medıtsına qyzmetkerlerine qosymsha aqy tóleý úshin bıýdjetten 35,7 mlrd teńge bólingen.
«Áleýmettik medıtsınalyq saqtandyrý qory» KEAQ SQO fılıaly 2020 jyldyń naýryz-maýsym aılarynda 1 491 medıtsına qyzmetkerine 570 mln teńge ústeme aqy tóledi. Medıtsınalyq qyzmetkerlerdiń basym bóligi úshinshi qaýip-qater toby boıynsha aldy. ıAǵnı 1049 adamǵa 300,3 mln teńge, ekinshi qaýip-qater toby boıynsha 258 medıtsınalyq qyzmetkerge 145,7 mln teńge tólendi. Birinshi, eń joǵary táýekel tobynda jumys isteıtin taǵy 184 adam 124 mln teńge kóleminde tólem aldy. Medıtsına qyzmetkerleri jumys istegen kúnder sanyna baılanysty aldy«, - deıdi qordyń SQO boıynsha fılıalynyń halyqty aqparattandyrý jáne ótinishterdi qaraý bóliminiń bas sarapshysy Qarlyǵash Ilıasova.
