SQO bıýdjeti saban jaǵatyn qazandyq arqyly 100 mln teńge únemdeıdi

PETROPAVL. QazAqparat - Soltústik Qazaqstan oblysynda bıomassa jaǵatyn 73 qazandyq ornatyldy, dep habarlaıdy QazAqparat.

Bul týraly oblystyq ákimdiktiń otyrysynda oblys ákiminiń orynbasary Anton Fedıaev málim etti.  Onyń deregi boıynsha, 73 qazandyqtyń bári jumys istep tur. Olarǵa 82 nysan, sonyń ishinde 26 bıýdjettik uıym qosyldy.

Óńirde saban jaǵatyn qazandyqty ornatý jumystary 2015 jyly bastaldy. Bıyl jylytýdyń osy túrine 70 nysan qosý josparlanýda.

«Eki aýdandaǵy bıomassamen jumys isteıtin tórt qazandyq jóndeldi. Montaj jumystary júrgizilip jatyr jáne tórt aýdandaǵy 25 nysan qosyldy. Esep boıynsha, 25 bıýdjettik uıym 14 myń tonna kómirdi únemdeıdi. Bul 100 mıllıon teńge», - dedi A.Fedıaev.

Óńir basshysy osy baǵyttaǵy múddeli qurylymdarǵa jumysty kúsheıtýdi tapsyrdy.  



Illıýstratsııalyq foto