SQO boıynsha ishki memlekettik aýdıt departamentine jańa basshy taǵaıyndaldy
PETROPAVL. KAZINFORM - Qazaqstan Respýblıkasy Qarjy mınıstrligi Іshki memlekettik aýdıt komıteti tóraǵasynyń buıryǵymen Sáken Qasymov Soltústik Qazaqstan oblysy boıynsha Іshki memlekettik aýdıt departamentiniń basshysy laýazymyna taǵaıyndaldy.
Sáken Qasymov1980 jyly Qyzylorda oblysynda týylǵan. Qazaq memlekettik basqarý akademııasyn, M.Ótemisov atyndaǵy Batys Qazaqstan ýnıversıtetin bitirgen, esepshi-ekonomıst, zańger.
Eńbek jolyn 2004 jyly Almaty qalasynyń qazynashylyq basqarmasynda jetekshi maman - jetekshi qazynashysynyń mindetin atqarýshy bolyp bastaǵan.
2005 jyly Almaty qalasy qazynashylyq departamentiniń bas maman-bas qazynashy boldy.
2005-2008 jyldary QR Qarjy mınıstrliginiń Salyq komıtetinde bas maman mindetin atqardy.
2008-2012 jyldary QR QM Qarjylyq baqylaý komıtetiniń bas sarapshysy boldy.
2012-2017 jyldar aralyǵynda QR QM Qarjylyq baqylaý komıtetiniń BQO boıynsha Qarjylyq baqylaý ınspektsııasy basshysynyń orynbasary bolyp eńbek etti.
2017-2020 jyldary QR QM Іshki memlekettik aýdıt komıtetiniń Mańǵystaý oblysy boıynsha Іshki memlekettik aýdıt departamentiniń basshysy laýazymynda boldy.
Osy laýazymǵa taǵaıyndalǵanǵa deıin 2020 jyldan bastap Sáken Qasymov Aqtóbe oblysy boıynsha Іshki memlekettik aýdıt departamentiniń basshysy qyzmetin atqarǵan.
Buǵan deıin Atyraý oblysy Qurmanǵazy aýdanyna jańa ákim taǵaıyndalǵanyn jazǵan edik.
