SQO boıynsha kóliktik baqylaý ınspektsııasyna jańa basshy taǵaıyndaldy
PETROPAVL. KAZINFORM – QR Kólik mınıstrliginiń buıryǵymen Abylaı Qazbaev Soltústik Qazaqstan oblysy boıynsha kóliktik baqylaý ınspektsııasynyń basshysy bolyp taǵaıyndaldy.
Vedomstvonyń jańa basshysyn búgin ákimdik otyrysynda óńir basshysy Ǵaýez Nurmuhambetov tanystyrdy.
SQO ákimi baspasóz qyzmetiniń málimetinshe, Abylaı Sálimgereıuly 1965 jyly Aqtóbe oblysynda týǵan.
Almaty temirjol kóligi ınjenerleriniń ınstıtýtyn jáne Qazaq memlekettik zań ýnıversıtetin qurylysshy, ıýrısprýdentsııa mamandyqtary boıynsha támamdady.
Ár jyldary kedendik baqylaý salasynda basshylyq qyzmetter atqarǵan.
Al osy taǵaıyndaýǵa deıin Batys Qazaqstan oblysy boıynsha Kóliktik baqylaý ınspektsııasynyń basshysy bolyp eńbek etti.
Buǵan deıin petropavldyq zaýyt — «Eurasian Milk» JShS pavlodarlyq fermerlerdiń sútin satyp alýǵa nıettenip otyrǵanyn aıtqan edik.
