SQO bıyl naýryzdy erte toılaı bastaıdy
Naýryz merekesi erteń Kórisý meıramynan bastaý alady. Osyǵan baılanysty óńirdegi balabaqshalardan bastap, kásiporyn, mekemelerde arnaıy merekelik sharalar ótpek. Naýryzdyń 15- i «Qarııasy bardyń qazynasy bar» taqyrybynda qarttardy qoldaýǵa baǵyttalǵan. Al naýryzdyń 16-sy «Jasyl qala - Jasyl el» taqyrybynda tazalyq kúni bolyp bekitildi. ıAǵnı senbilikter uıymdastyrylady, kógaldandyrý jumystary júrgiziledi jáne jastar jalǵyzbasty qarııalarǵa úı sharýasyna qolǵabys etedi.
«17 naýryzdy «Otan - otbasynan bastalady» dep aldyq. Otbasylyq qundylyqtardy dáripteýge basymdyq beremiz. Naýryzdy otbasymen qarsy alýǵa daıyndalsa eken deımiz. 18-i kúni «Jas kelse - iske» degen taqyrypty alyp otyrmyz. Bıyl jastar jyly, bul kúni negizgi úlken merekelik sharalar ótedi. 19-shy naýryzdy «Qaıyrymdy is» degen taqyrypta jáne 20-sy kúni «Salt dástúr» - negizinen merekelik sharalar ótedi», - deıdi oblystyq Іshki saıasat basqarmasynyń basshysy Ásem Rahmetova.
Naýryzǵa arnalǵan basty merekelik shara Petropavldaǵy ortalyq alańda 21-i kúni ótedi dep josparlanǵan. Onda 7 kıiz úı tigiledi.
«Birinshi kıiz úıde «Botaı mádenıeti» kórsetiledi, ekinshi kıiz úıde «Uly dalanyń ejelgi metallýrgııasy», úshinshisinde «Ańshylyq stıli», tórtinshisinde «Altyn adam stıli», besinshi kıiz úıde «Túrki dúnıesiniń besigi», sondaı-aq Uly Jibek joly jáne sońǵy kıiz úıde «Qazaqstan - alma men qyzǵaldaqtyń mekeni» degen taqyrypta bolady», - deıdi oblystyq Mádenıet, arhıvj áne qujattamalar basqarmasy basshysynyń mindetin atqarýshy Dosbol Ábdirisov.
Petropavlda Naýryz merekesi aıasynda respýblıkalyq aıtys ótpek. Bıyl ol soltústikqazaqstandyq aqyn Erik Asqarovtyń 60 jyldyǵyna arnalyp otyr. Sondaı-aq memlekettik mekemelerde «ulttyq kostıýmder aptalyǵy» ótedi. Oblys ortalyǵynda qolóner sheberleriniń kórmesi uıymdastyrylady.
