SQO bıyl qonys aýdarǵan 770 otbasyny qarsy alady
PETROPAVL. QazAqparat – Soltústik Qazaqstan oblysy bıyl ózge óńirlerden kelgen 769 otbasyny qarsy alýdy josparlap otyr, olardyń jartysynan astamy qonystanyp úlgerdi, dep habarlaıdy QazAqparat tilshisi.
SQO ákimi Qumar Aqsaqalovtyń aıtýynsha, qazirdiń ózinde óńirge 1459, ıaǵnı 471 adam qonys aýdardy. Olarǵa memleketpen qarastyrylǵan tıisti kómek kórsetilip jatyr.
«Biz qonys aýdarýshylarǵa arnap baspana turǵyzyp jatyrmyz. Soltústik Qazaqstan oblysy kóship kelýshilerge baspana salyp berýden jáne olarǵa arnap úı satyp alýdan pılottyq jobany júzege asyryp jatyr. Bıyl osy maqsatta 400 turǵyn úı salynyp, paıdalanýǵa berilmekshi», - dedi Qumar Aqsaqalov.
Aldaǵy úsh jylda elimizdiń jumys kúshi artyq aımaqtarynan qonys aýdarýshylarǵa oblysta 2 myńnan astam baspana salynady dep josparlanǵan.
Mamandardyń esebinshe, Soltústik Qazaqstan oblysynda myńnan astam bos jumys orny bar. Ózge óńirden teriskeıge qonys aýdarǵandardy 224 eldi meken qabyldaı alady.
