SQO Beskól aýylynyń mańynda júk kóligi soǵyp ketken áıel kóz jumdy

PETROPAVL. KAZINFORM – Soltústik Qazaqstan oblysy Beskól aýylynyń mańynda joldan júgirip ótpek bolǵan kelinshekti júk kóligi soqty.

Oqıǵa 8 shilde kúni túnde bolǵan. 

Kýágerlerdiń aıtýynsha, jol-kólik oqıǵasy retteletin jolaýshylar jolaǵynda bolǵan. Áıel baǵdarshamnyń ruqsat etilgen shamyn kútpeı, jolǵa shyqqan. Sol kezde qatty kelip qalǵan júk kóligi ony soǵyp, oqıǵa ornynan ketip qalǵan. Biraq keıin toqtap, tártip saqshylarynyń kelýin kútken.

Áıeldiń artynda kishkentaı uly qaldy.

SQO Polıtsııa departamenti baspasóz qyzmetinen habarlaǵandaı, «DAF» júk kóligi 33 jastaǵy kelinshekti soǵyp, áıel alǵan jaraqattarynan oqıǵa ornynda kóz jumdy. Qazirgi ýaqytta qylmystyq is qozǵalǵan, tergeý amaldary júrgizilip jatyr.

Buǵan deıin Almaty oblysy ákiminiń orynbasary jol apatyna ushyraǵanyn jazǵan edik.