SQO bas sanıtar dárigeriniń qaýlysy ózgerip, shekteý sharalary kúsheıdi

PETROPAVL. QazAqparat – Soltústik Qazaqstan oblysy bas memlekettik sanıtarııa dárigeri jańa qaýlyǵa qol qoıyp, óńirde shekteý sharalaryn kúsheıtti, dep habarlaıdy QazAqparat tilshisi.

SQO bas memlekettik sanıtarııa dárigeri Áset Jumataevtyń jańa qaýlysy shyqty. Oǵan sáıkes endi:

1) oıyn-saýyq, sporttyq is-sharalar, kórmeler, forýmdar, konferentsııalar, sondaı-aq otbasylyq, mereıtoılyq is-sharalardy, sonyń ishinde úıde basqa da is-sharalar ótkizýge tyıym salynady;

2) saýda-oıyn-saýyq ortalyqtarynyń, saýda úıleriniń jumys kestesin saǵat 10.00-den 22.00-ge deıin shekteledi jáne senbi men jeksenbi kúnderi (tamaq ónimderin satýǵa arnalǵan dúkenderden, dárihanalardan, sulýlyq salondarynan, shashtarazdardan, kınoteatrlardan basqasy) qyzmeti toqtatylady;

3) aýdany 500 m²-den asatyn azyq-túlik emes dúkenderdiń (qurylys dúkenderin qospaǵanda) jumys ýaqyty dúısenbiden jumaǵa deıin saǵat 10.00-den 22.00-ge deıin shektelip, senbi men jeksenbide jabylady;

4) jabyq kıim bazarlarynyń, azyq-túlikke jatpaıtyn taýarlardyń jabyq bazarlarynyń, jabyq qurylys bazarlarynyń jumys ýaqytyn saǵat 09.00-den 20.00-ge deıin shektep, senbi men jeksenbide qyzmeti toqtatylady;

5) fıtnes, jattyǵý zaldardyń (ortalyqtardyń) jobalyq qýatynyń 30 %-nen jáne aldyn-ala jazylý boıynsha (1 kelýshige 5 sharshy metrden kem emes), 50 adamnan asyrmaı qyzmeti shekteledi jáne senbi men jeksenbide jumysy toqtatylady;

6) senbi men jeksenbide qyzmetin toqtata otyryp, basseınderdiń jumysy shekteledi (jekelegen formatta, 1 kelýshige keminde 5 sh.m. sý betine negizdelgen, syıymdylyǵy 50 adamnan aspaıdy);

7) sport ǵımarattary dúısenbi-juma aralyǵynda jobalyq qýatynyń 30 %-nen jáne 50 adamnan aspaı (5 adamnan aspaıtyn jeke jáne toptyq jattyǵýlar úshin) jumys isteıdi, biraq senbi men jeksenbide jumysyn toqtatady;

8) qoǵamdyq monshalar, saýnalardyń jumys rejımi saǵat 09.00-den 22.00-ge deıin, syıymdylyǵyn 50 %-ten jáne 50 adamnan asyrmaı jumys isteýine ruqsat, alaıda saýnalar senbi-jeksenbi kúni jabylady;

9) qoǵamdyq kólik qyzmetin saǵat 6.30-dan 22.00-ge deıin shekteledi, senbi men jeksenbide (eldi mekender ishinde, onyń ishinde qala mańy marshrýttary) jumysyn toqtatady;

10) qoǵamdyq tamaqtaný obektileriniń jumysy saǵat 9.00-den 20.00-ge deıin shekteledi, jeksenbi kúni qyzmeti toqtalady, daıyn tamaqty jeksenbiden basqa kúnderi saǵat 8.00-den 24.00-ge deıin jetkizýge ruqsat.

Jańa qaýly 21 qańtar saǵat 00.00-den bastap kúshine enedi.