SQO: Aıyrtaý aýdanynda «Ashyq ákimdik» front-keńsesi ashyldy
SQO Sybaılas jemqorlyqqa qarsy kúres qyzmetiniń habarlaýynsha, «Ashyq ákimdik» front-keńsesi ákimdik jumysyn ashyq, kórsetiletin qyzmetterdi halyqqa qoljetimdi etpek. Budan basqa elektrondy kórsetiletin memlekettik qyzmetterdiń úlesi artty.
Aıyrtaý aýdanynyń turǵyndary jańashyldyqty baǵalap ta úlgerdi. Front-keńseniń ashylyp, «Smart Aıyrtaý» qosymshasynyń paıdalanýǵa berilýi ákimshilik kedergilerdi anaǵurlym azaıtqan. Halyq qajetti qujatty esh qıyndyqsyz, az ýaqyttyń ishinde, bir jerden ala alady.
«Mundaı keńseler halyqpen is-áreket etýdiń jańa jáne tıimdi túri. Sybaılas jemqorlyq deńgeıin azaıtýda da septigi zor. Osylaısha biz Memleket basshysy Qasym-Jomart Toqaevtyń «Estıtin memleket» tujyrymdamasyn júzege asyryp jatyrmyz», - dedi «Ashyq ákimdik» front-keńsesiniń ashylý saltanatyna qatysqan SQO ákiminiń orynbasary Rýslan Álishev.
Bul jerde turǵyndar jer qatynastary, aýyl sharýashylyǵy, qurylys, jumyspen qamtý jáne áleýmettik baǵdarlamalar, bilim berý salalary boıynsha qyzmetter alady. Barlyǵy 47 túrli memlekettik qyzmet kórsetilmek.
«Sybaılas jemqorlyqpen kúresti jetildirýde jumystar júrgizilip jatyr. Front-keńselerdi asha otyryp, memlekettik qyzmetterdiń ashyqtyǵyn jáne qoljetimdiligin qamtamasyz etemiz. Nátıjesinde halyqqa sapaly qyzmet kórsetiledi», - dedi front-keńseniń jumysymen tanysqan QR Sybaılas jemqorlyqqa qarsy is-qımyl agenttiginiń SQO boıynsha departamenti bastyǵynyń birinshi orynbasary Nurlan Jahın.