SQO avtojoldarynda kólik qozǵalysy shekteldi

PETROPAVL. QazAqparat – Soltústik Qazaqstan oblysynda aýa raıynyń buzylýyna baılanysty birqatar respýblıkalyq joldar jabyldy, 7 aýdanda oblystyq mańyzy bar 22 ýchaskede kólik qozǵalysy ýaqytsha shekteldi, dep habarlaıdy QazAqparat tilshisi.

SQO Tótenshe jaǵdaılar departamenti baspasóz qyzmetiniń málimetinshe, boran turyp, qar jaýýyna baılanysty óńirdiń avtojoldarynda kóliktiń barlyq túrine qozǵalys ýaqytsha shekteldi.

Olar:

«Ekaterınbýrg-Almaty» jolynyń 729-856 km, Qostanaı oblysynyń shekarasynan Aqmola oblysynyń shekarasyna deıin.

«Býlaevo-Roşınskoe» jolynyń 111-131 km, Molodogvardeıskoe eldi mekeninen Ilıch aýylyna deıin.

«Jezkazgan – Petropavl» jolynyń 595-835 km, Aqmola oblysynyń shekarasynan Nıkolaevka eldi mekenine deıin.

«Kókshetaý - Rýzaevka» jolynyń 61-196 km, Aqmola oblysynyń shekarasynan Rýzaevka eldi mekenine deıin.

«Qarasaı batyr memorıaldyq keshenine barar jol» avtojolynyń 0-24 km, Saýmalkól aýylynan Qarasaı batyr memorıaldyq keshenine deıin.

«Roşınskoe – Korneevka - Voloshınka» jolynyń 0-86 km, Roşınskoe eldi mekeninen Voloshınkaǵa deıin.

«Voloshınka – Sergeevka - Tımırıazevo» jolynyń 0-119 km, Voloshınkadan Tımırıazevo eldi mekenine deıin.

«Tımırıazev - Sarykól – oblystyń shekarasy», 0-32 km, Tımırıazev eldi mekeninen Qostanaı oblysynyń shekarasyna deıin.

Budan basqa 7 aýdanda oblystyq mańyzy bar 22 ýchaske jabyldy.