SQO avtojoldarynda kóktemgi sý tasqynyna qarsy daıyndyq jumysy bastaldy
PETROPAVL. KAZINFORM – Soltústik Qazaqstan oblysyndaǵy respýblıkalyq mańyzy bar avtojoldarda sý basýy múmkin ýchaskeler baqylaýǵa alynyp, sý tasqynyna qarsy is-sharalar qolǵa alyndy.
«QazAvtoJol» UK» AQ málimetinshe, respýblıkalyq mańyzy bar A-1 «Astana-Petropavl» avtojolynyń SQO arqyly ótetin ýchaskelerinde qysqy kútip-ustaý jumystarymen qatar, sý ótkizý qubyrlary men kópirasty sý arnalaryn qardan tazartý jumystary da qosa júrgizilip jatyr.
«Táýlik boıy kezekshilik uıymdastyrylyp, qaýipti ýchaskeler baqylaýǵa alyndy. Jol qyzmekterleri joldar men jol qurylystaryna kúndelikti patrýldeý júrgizedi. Jalpy avtojoldardy qysqy kútip-ustaýǵa 105 arnaıy tehnıka jáne 250-ge jýyq jumysshy jumyldyryldy. Jumys táýlik boıy júrgiziledi», - deıdi kompanııa ókilderi.
Jolshylar joldy qardan tazartyp, kóktaıǵaqtyń paıda bolýyna jol bermeý úshin qum-tuz qospasyn, hımııalyq reagentti sebý jumystaryn júrgizip jatyr. Bıyl qysta osy maqsatqa 2 600 m3 qum, 700 tonna tehnıkalyq tuz, 260 tonna hımııalyq reagent jumsaldy.
