SQO aýylynda zańsyz jumys istep kelgen dárihana áshkere boldy
PETROPAVL. QazAqparat - Qarjy monıtorıngi komıtetiniń Soltústik Qazaqstan oblysy boıynsha ekonomıkalyq tergeý departamenti karantın jaǵdaıynda dári-dármekti kóterińki baǵada, sáıkestik sertıfıkatynsyz satqandardy anyqtaý úshin reıd júrgizip jatyr, dep habarlaıdy QazAqparat.
Dári-dármekti alyp-satýdyń jolyn kesý úshin Soltústik Qazaqstan oblysy boıynsha ekonomıkalyq tergeý departamenti men SQO polıtsııa qyzmetkerleri birlesip, jedel-izdestirý sharalaryn júrgizdi. Onyń barysynda oblystyń bir aýylynda ornalasqan zańsyz dárihananyń qyzmeti toqtatyldy.
Dárihana pýnkti azyq-túlik dúkeninde mindetti lıtsenzııasyz jumys istep, birqatar dári-dármekti sáıkestik sertıfıkatynsyz satyp kelgen.
Aldyn ala esep boıynsha, shamamen 1 mıllıon teńgeden astam somaǵa 438 dári-dármek tárkilendi.
Qazirgi ýaqytta tergeý amaldary júrip jatyr.
