SQO aýylynda karantın jarııalandy
PETROPAVL. QazAqparat - Soltústik Qazaqstan oblysy Aıyrtaý aýdanynyń Eletskoe aýylynda qustardyń Nıýkasl aýrýyna shaldyǵýyna baılanysty karantın jarııalandy, dep habarlaıdy QazAqparat tilshisi.
Soltústik Qazaqstan oblystyq veterınarııa basqarmasy basshysynyń mindetin atqarýshy Berik Áljanovtyń aıtýynsha, mundaı jaǵdaılar biren-saran kezdesedi. Karantın kezinde eldi mekennen qustardy alyp ketýge tyıym salynady.
«Qorqatyn eshteńesi joq. Erejege sáıkes, atalǵan eldi mekenge shekteý ornatýymyz qajet. Qustardyń ólim-jitimi toqtady. Dezınfektsııalaý, mehanıkalyq tazalaý jumystary júrgizildi», - deıdi B. Áljanov.
Veterınarlar qustardyń vırýstyq aýrýy bolyp tabylatyn Nıýkasl aýrýy zaqymdalǵan jumyrtqalar arqyly kelýi múmkin dep boljap otyr.
Vırýs adam densaýlyǵyna eshqandaı qaýip tóndirmeıdi.
