SQO aýyldarynda úı qusy qyrylyp jatyr
PETROPAVL. QazAqparat – Soltústik Qazaqstan oblysynyń 3 aýdanynda úı qusynyń jappaı qyrylýy tirkeldi, dep habarlaıdy QazAqparat tilshisi.
Oblystyq prokýratýra baspasóz qyzmetiniń málimetinshe, qustardyń qyrylýy Tımırıazev aýdanynyń Tımırıazevo jáne Elevatornyı eldi mekenderinde, Ǵ.Músirepov atyndaǵy Chernobaevka aýylynda, Sýhorabovka aýylynda jáne Shal aqyn aýdanynyń Sergeevka qalasynda anyqtaldy. Barlyǵy 686 bas qus tirkeldi. Olar úı ıeleriniń aýlasynda órtelip, dezınfektsııalyq sharalar júrgizildi.
«Veterınarlyq qyzmet qustardan qan men ishki aǵzalaryn zerthanalyq tekserýge aldy. Olar indettiń sebebin anyqtaý úshin «Respýblıkalyq veterınarlyq laboratorııaǵa» jiberildi. Oblys prokýratýrasy jaǵdaıdy baqylaýǵa aldy. Tekserý sharalary júrgizilip jatyr», - dep málim etti qadaǵalaý organynan.
