SQO aýyl sharýashylyǵy aýmaqtyq ınspektsııasyna jańa basshy taǵaıyndaldy
PETROPAVL. KAZINFORM – QR Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń Soltústik Qazaqstan oblystyq aýmaqtyq ınspektsııasyna basshy bolyp Arystan Kýjýmov taǵaıyndaldy.
Arystan Kýjýmov 1984 jyly SQO Mamlıýt aýdanynda dúnıege kelgen. Soltústik Qazaqstan memlekettik ýnıversıtetin «Qurylysshy», «Agronomııa» jáne Qazaqstan-Reseı ýnıversıtetin «Zańger» mamandyǵy boıynsha támamdaǵan. QR Prezıdenti janyndaǵy Memlekettik basqarý akademııasynyń túlegi.
2005 jyly «Edınstvo» JShS-de dıspetcher bolyp eńbek jolyn bastaǵan.
2006 jyldan bastap Qyzyljar jer-kadastrlyq fılıalynda tehnık-jerge ornalastyrýshy, sondaı-aq Aqqaıyń aýdanynyń jer qatynastary bóliminde bas maman bolyp qyzmet atqarǵan.
2009 jyldan bastap SQO kásipkerlik jáne ónerkásip basqarmasynda jetekshi maman, bas maman, is júrgizý jónindegi ınspektory qyzmetterin atqardy.
2011-2015 jyldary – SQO ákiminiń bas ınspektory boldy.
2015-2018 jyldary SQO ákimi apparatynyń aýyl sharýashylyǵyn damytý bóliminiń meńgerýshisi, sondaı-aq jer qatynastary basqarmasy basshysynyń orynbasary qyzmetterin atqardy.
2018-2020 jyldary SQO ákimdiginiń jer qatynastary basqarmasynyń basshysy boldy.
2020-2024 jyldary SQO ákimi apparaty basshysynyń orynbasary bolyp jumys istedi.
2024 jyldan bastap osy kúnge deıin SQO máslıhat apparaty basshysynyń orynbasary laýazymynda boldy.
Buǵan deıin Qyzylorda oblystyq ádilet departamentiniń basshysy taǵaıyndalǵanyn jazǵan edik.