SQO aýdan ortalyǵynda qatty jel tórt úıdiń shatyryn ushyryp jiberdi

PETROPAVL. QazAqparat – Soltústik Qazaqstan oblysynda Ǵ. Músirepov atyndaǵy aýdan ortalyǵynda Novoıshımskoe aýylynda qatty jel ǵımarattyń syrtqy qasbetin zaqymdap, kópqabatty turǵyn úıdiń shatyryn ushyryp áketken, dep habarlaıdy QazAqparat tilshisi.

Tótenshe jaǵdaılar deparatmenti baspasóz qyzmetiniń málimetinshe, keshki saǵat beste aýylda jyldamdyǵy sekýndyna 30 metr bolatyn qatty jel soǵyp, jańbyr men burshaq jaýǵan.

Aýa raıy qolaısyzdyǵynan eki eldi meken - Novoıshımskoe jáne Peskı jaryqsyz qaldy.

190 otbasy turatyn úsh kópqabatty turǵyn úıdiń shatyry jartylaı ushqan.

Olar 1961, 1987 jáne 1988 jyldary salynǵan úıler. 1981 jyly salynǵan 40 páterli turǵyn úıdiń kirpishi men shatyry, «Amanat» partııasy ǵımaratynyń jáne «Nursát» saýda ortalyǵynyń qasbeti zaqymdalǵan.

Qurbandar men zardap shekkender joq. Daýyldyń zardaptary joıylyp jatyr.

Materıaldyq zalaldy baǵalaý jónindegi komıssııa qurylady.