SQO Astanadaǵy jármeńkege 725 tonna ónim ákeledi
ASTANA. QazAqparat - 20-21 qazanda Astana qalasynda Soltústik Qazaqstan oblysy aýyl sharýashylyǵynyń jármeńkesi ótedi, dep habarlaıdy QazAqparat Elorda Infoǵa silteme jasap.
«Qazaqstan» sport kesheniniń avtoturaǵynda ótetin jármeńkege Soltústik Qazaqstan oblysynyń barlyq aýdandary men Petropavl qalasynan 115 kásiporyn qatysady. 100-den astam ónim túri saýdaǵa shyǵarylady.
Eki kún ótetin jármeńkege 725 tonna kóleminde azyq-túlik taýary ákelinedi.
Aýyl sharýashylyǵy ónimderiniń ishinde - sıyr, jylqy, qoı, qus jáne shoshqa eti, shujyq ónimderi, qalbyrdaǵy et bar. Sol sııaqty kondıter, makaron buıymdary, qurt, sút ónimderi, qymyz, bal, un, kartop jáne kókónis.
Jármeńke tańǵy saǵat 9:00-den kúndizgi 16:00-ge deıin jumys isteıdi. Ákelingen ónimderdiń baǵasy Astana bazarlaryndaǵy baǵadan 15-20%-ǵa arzan bolady.
Jármeńkege kelýshilerge óńirlik óner ujymdary kontsert qoıady.
