SQO Aqjar aýdanynda avtojoldyń ýchaskesin sý basty

PETROPAVL. KAZINFORM – Soltústik Qazaqstan oblysy Kazanskoe eldi mekeniniń mańynda avtomobıl jolynyń ústin erigen qar sýy basty.

Áleýmettik jelide taraǵan beınejazbadan alqaptan kelgen sýdyń asfalt jol ústinen ótip jatqanyn kórýge bolady. 

SQO jolaýshylar kóligi jáne avtomobıl joldary basqarmasynyń málimetinshe, sý basý deregi 29 naýryz kúni saǵat 14.00 shamasynda tirkelgen. Oqıǵa oblystyq mańyzy bar «Kazgorodok – Gorkovskoe» avtojolynyń 122-shi shaqyrymynda bolǵan. Sý basqan ýchaskeniń eni 200 metr, tereńdigi 10 sm-ge deıin jetken.

- Bul qardyń erip, sýdyń jınalýynan bolyp otyr. Eldi meken turǵyndaryna keler qaýip joq. Aýdan ákimdigi men jol qyzmetin kórsetetin «Jasyl-Esil» JShS ýchaskege tıisti eskertý belgileri men qorǵanys lentalaryn ornatty. Bul jerde dıametri 2×3 m bolatyn tıýbıngtik sý ótkizý qubyry jáne uzyndyǵy 42 metrlik eki tirekti kópir jumys istep tur, - deıdi basqarma mamandary.

Sý basqan ýchaskege arnaıy tehnıka jumyldyryldy. Patrýldeý uıymdastyrylǵanymen, avtokólik qozǵalysy shektelgen joq.

Buǵan deıin Taıynsha aýdanynda erigen qar sýy respýblıkalyq mańyzy bar avtojoldyń ústimen ótken edi. Basqarma bul ýchaskede jaǵdaıdyń turaqtalǵanyn habarlady.