SQO ákimdigi órtte qaza tapqan otbasyny jerleý rásimin ótkizýge kómektesedi
PETROPAVL. KAZINFORM – Soltústik Qazaqstan oblysy Stýpınka eldi mekeninde órtengen úıden eki eresek adamnyń jáne úsh balanyń denesi tabyldy.
Oqıǵa bolǵan jerge SQO ákimi Ǵaýez Nurmuhambetovtyń tapsyrmasy boıynsha oblys ákiminiń birinshi orynbasary Marat Tasmaǵanbetov bardy. Bul týraly SQO ákiminiń baspasóz qyzmeti habarlady.
- Oblys ákimdigi jerleý rásimin uıymdastyrý men ótkizýge qajetti barlyq kómekti kórsetetin bolady. Kámeletke tolmaǵan stýdentke kolledj jataqhanasynda tegin turý múmkindigi beriledi. Oǵan qajetti barlyq psıhologııalyq kómek kórsetilip jatyr. Sondaı-aq, materıaldyq kómek kórsetý jáne oqý aqysyn tóleý máselesi sheshiledi. Aldaǵy ýaqytta turǵyn úımen qamtamasyz etý máselesi qarastyrylady. Jaqyn týystaryna qamqorshylyq resimdeý máselesi erekshe baqylaýda bolady, - delingen habarlamada.
Esterińizge salaıyq, búgin SQO Shal aqyn aýdany Stýpınka eldi mekeninde órt shyǵyp, tilsiz jaý bir otbasynyń bes adamyn jalmady.