SQO ákimdigi basqarmasynyń eks-basshysyna sotqa deıingi tergeý bastaldy
PETROPAVL. KAZINFORM — Soltústik Qazaqstan oblysy tabıǵı resýrstar jáne tabıǵat paıdalanýdy retteý basqarmasynyń burynǵy basshysyna qatysty tergep-tekserý júrgizilip jatyr.
Bul derekti QR Ulttyq qaýipsizdik komıteti rastady.
— Qylmystyq protsestik kodekstiń 201-shi babynyń 1-shi tarmaǵyna sáıkes ózge aqparat jarııa etýge jatpaıdy, — delingen tilshi suraýyna berilgen resmı jaýapta.
Aıta keteıik, Erbolat Bekshenov SQO ákimdiginiń tabıǵı resýrstar jáne tabıǵat paıdalanýdy retteý basqarmasyna 2025 jyly shilde aıynda taǵaıyndaldy.
Sonymen qatar, buǵan deıin SQO aýyl sharýashylyǵy basqarmasyn basqardy. Mamlıýt jáne Aıyrtaý aýdandarynda ákim boldy.
Budan bólek, Petropavlda jol salý barysynda bıýdjetke 2 mlrd teńge zalal keltirgen kúdikti ustalǵanyn jazǵan edik.
