SQO ákimi jóndeletin mektepterdi aralady
Mektep ǵımaraty 1964 jyly salynǵan, sodan beri kúrdeli jóndeý jumystary júrgizilmegen. Ony jóndeýge «Jumyspen qamtý jol kartasy-2020» baǵdarlamasy arqyly 10 mln teńge qarjy bólingen.
«74 terezeni almastyrý qajet, - dedi Birinshi gımnazııa dırektory Natalıa Býkatova, - jáne jylý taratý qubyry joǵaryda ornalasqan soń birinshi qabat ylǵı sýyq bolatyn».
Budan basqa gımnazııaǵa shatyrdy aýystyrý, sý qubyryn, sanıtarlyq torap pen kabınetterdi jańartý jumystaryna 6 mln teńge bólindi. Jóndeý jumystaryn oqý jyly men synaq kezeń aıaqtalǵan soń maýsymnyń 5-6-y bastaý josparlanǵan.
Kúrdeli jóndeý jumystary «BEST» gımnazııasynda da júrgiziledi. 137 tereze aýystyrylady, bul maqsattarǵa 23 mln teńge, al sanıtarlyq torapty aýystyrýǵa 6 mln teńge bólingen.
Múmkindigi shekteýli balalarǵa bilim berýge mamandandyrylǵan №1 mektep-ınternatynyń shatyryn almastyrý jumystaryna qurylysshylar jaqyn arada kirispek. Sabaq berý kabınetteri de jańartylady. Qarjylandyrý kólemi - 14 mln teńge.
Jumys saparynyń sońynda Erik Sultanov bilim berý, densaýlyq saqtaý men mádenıet salasyndaǵy nysandarǵa kúrdeli jóndeý jumystary 2015 jylǵa qaraǵanda eki ese artqandyǵy, «Jumyspen qamtý jol kartasy-2020» baǵdarlamasy aıasynda qarjy bólingendigin aıtty.
«Bıyl 105 qazandyq jańasyna aýystyrylady. Bul oqý oryndaryndaǵy qalypty temperatýrany saqtaý úshin jasalady. Ótken oqý jylynda jańa qazandyqtar qoıylǵannan soń, mektepter jyly boldy. Bul jumys mindetti túrde jasalady», - dedi óńir basshysy. - Barlyq jumystardy sapaly jáne jaqsy deńgeıde jasaý úshin osy úsh aıdy tıimdi paıdalaný qajet».
Bıyl oblys ortalyǵynyń 19 mektebine jóndeý jumystary júrgiziledi, bul maqsatqa 200 mln teńgeden astam qarajat bólingen.
Jalpy oblys boıynsha salasynyń 59 bilim berý nysanyna jóndeý jumystary júrgiziledi. Qarjylandyrý kólemi óńirimiz úshin rekordtyq soma 1,28 mlrd teńgeni qurap otyr.
