SQO ákimi jol boıyndaǵy qyzmet kórsetý nysandaryn synady
PETROPAVL. QazAqparat - Búgin ákimdik otyrysynda óńirdegi jol boıyndaǵy qyzmet kórsetý salasynyń damýy máseleleri talqylandy, dep habarlaıdy «QazAqparat» HAA tilshisi.
Jolaýshylar kóligi jáne avtomobıl joldary basqarmasynyń basshysy Beıbit Ismanovtyń aıtýynsha, oblys boıynsha jol boıynda qyzmet kórsetetin 142 nysan resmı túrde tirkelgen, olardyń 123-i respýblıkalyq mańyzy bar joldardyń boıynda ornalasqan.
«Jol boıyndaǵy qyzmet kórsetý nysandary ıeleriniń barlyǵyna jaqsy jabdyqtalǵan sanıtarlyq toraptar ornatýdy uıymdastyrý jóninde keńes berdik. Barlyq 17 janar-janarmaı quıý stantsııasy men 2 tamaqtaný nysanyna habarlandy. Kásipkerler bul salada respýblıkalyq mańyzy bar joldarǵa asa mán beredi», - dedi Beıbit Ismanov.
Ulttyq standartqa sáıkes, jol boıyndaǵy qyzmet kórsetý nysandary kórsetetin qyzmetterine baılanysty tórt sanatqa bólinedi: A, V, S jáne D. «QazAvtoJoldyń» SQO óńirindegi fılıalynyń dırektory Bolatbek Aıtbaevtyń aıtýynsha, A jáne V sanattaryna avtojýý, dámhana, tehnıkalyq qyzmet kórsetý stantsııalary, kem degende 25 adamǵa eseptelgen qonaqúıler men basqa da qyzmet kórsetýler jatady. Oblysta bul sanattarǵa sáıkes keletin nysandar joq. S sanatyna respýblıkalyq magıstraldarda ornalasqan 123 nysannyń 18-i keledi.
Qumar Aqsaqalov jol boıyndaǵy qyzmet kórsetýlerdi damytý jumystary áli de jetkiliksiz ekendigin jetkizdi.
«Ótip bara jatsań, barlyq jerde tazalyq joq. Eski materıaldardan turǵyzylǵan súreńsiz nysandar, al ataýlary jer jarady. Astanaǵa baǵyt alǵan jolaýshylar legi kóp. Al jol boıynda birde-bir jibi túzý qyzmet kórsetý nysany joq. Janarmaı quıý stantsııalary óz aýmaqtaryn retke keltirýdi áldeqashan umytqan», - dedi SQO ákimi.
Oblys ákimi shekara beketterinde júrgizilgen jumystarmen de tanysty. Jınalys barysynda beketterdegi keıbir vagonshylardyń zańsyz turǵandyǵy anyqtaldy.
