SQO ákimi jol boıyna shoý-rým uıymdastyrý týraly tapsyrma berdi
PETROPAVL. QazAqparat - SQO ákimi Qumar Aqsaqalov «SQO-da jasalǵan» brendin ázirlep shyǵarýdy usyndy, dep habarlaıdy «QazAqparat» HAA tilshisi.
«SQO-dan shyǵatyn taýarlardy azyq-túlikten bastap, tehnıkaǵa deıin túgel brendke aınaldyrý qajet. Bul taýardy ótkize bilýdiń taǵy bir múmkindigi. Bizge «SQO-da jasalǵan» brendin jasap shyǵarý kerek»,-dedi Q.Aqsaqalov.
Soltústik Qazaqstannyń taýaryn nasıhattaýdy Petropavl mańyndaǵy Qyzyljar aýdanyna qarasty Astana-Petropavl tas jolynyń boıyna qoıylatyn kórmege uqsas kórsetilimnen bastaý josparlanǵan.
«Búkil taýarymyzdy jol boıyna qoıamyz. Shoý-rým jasaýymyz kerek. CLAAS kombaındary men traktorlaryn shyǵaramyz, AVAGRO ónimderin kórmege qoıyńyzdar. Bizdiń qalaǵa kelgen qonaqtar taýarlarymyzdy kórý kerek. Jaqsy oryn taýyp, ádemi shoý-rým jasańdar», - dep Q.Aqsaqalov Qyzyljar aýdanynyń ákimine tapsyrma berdi.
