SQO ákimi jergilikti JOO-ǵa stýdent tartý joldaryn aıtty
Ákimniń aıtýynsha, oblystaǵy mektep túlekteriniń ketýi 30-dan 12,7%-ǵa tómendep, jergilikti M. Qozybaev atyndaǵy Soltústik Qazaqstan ýnıversıtetindegi stýdentter sany 40%-ǵa artty.
«Jaqyn arada stýdentterdiń sanyn 10 myńǵa jetkizgimiz keledi. Ol úshin jańa oqý-zerthanalyq korpýsy salynyp jatyr. Munda ınjenerııa jáne tsıfrlyq tehnologııalar, kólik jáne mashına jasaý, energetıka jáne radıotehnıka, azyq-túlik qaýipsizdigi, orman sharýashylyǵy agronomııasy jáne medıtsına boıynsha 73 zamanaýı zerthana bolady», - dedi oblys ákimi Ortalyq kommýnıkatsııalar qyzmetinde ótken brıfıngte.
Ákimniń aıtýynsha, qazirgi basty mindet – úmit artyp otyrǵan joǵary oqý ornyn nyǵaıtý.
«2017 jyldan bastap bilim berý granttarynyń sany eki esege artty. Bilim jáne ǵylym mınıstrligimen birlesip, bizdiń JOO-nyń sheteldik JOO-larmen yntymaqtastyq máselesin pysyqtap jatyrmyz. Mınıstrlik tarapynan jumys júrip jatyr. Onyń nátıjesin kóremiz dep oılaımyn. Bul oqytýdyń basqa deńgeıi bolady. Oqytýshylardy jańa baǵdarlamamen tartatyn bolamyz», - dedi Q. Aqsaqalov.
