SQO ákimi: Jazǵy lagerlerge baratyn pedagogtardy «súzgiden» ótkizińder
PETROPAVL. QazAqparat - Soltústik Qazaqstan oblysynda saýyqtyrý lagerleri jazǵy maýsymnyń ashylýyna daıyndalýda, dep habarlaıdy QazAqparat.
Bilim basqarmasynyń basshysy Sholpan Qarınovanyń aıtýynsha, bıyl balalardyń jazǵy demalysyn uıymdastyrýǵa 364 mıllıonnan astam teńge bólindi. 15 saýyqtyrý lageri jumys isteıtin bolady. Oblystyń eki aýdanynda mundaı lagerler joq, taǵy birinde sanıtarlyq-epıdemıologııalyq talaptarǵa sáıkes kelmeýi saldarynan ekinshi jyl qatarynan jumysy toqtap tur.
Qala syrtyndaǵy saýyqtyrý oryndarynan bólek, mektepter janynan da demalys lagerlerin ashý kózdelýde.
Balalarmen jazǵy maýsymda barlyǵy 815 pedagog jumys isteıtin bolady. Mamyr aıynda olar arnaıy daıyndyqtan ótedi.
Oblys ákimi Qumar Aqsaqalov balalar lagerlerindegi qaýipsizdik máselesine jiti nazar aýdarý qajettigin atap ótti. Bul, balalarmen jumys isteıtin pedagogtardyń biliktiligine de qatysty.
«Bıyl buǵan deıingi jyldary oryn alǵan faktiler bolmaýy tıis: ýlaný, kóz jumý. Bolýy múmkin barlyq qaterlerdi joıý qajet. Aýdan ákimderi balalardyń qaýipsizdigine jeke jaýap beredi. ІІD-men birge barlyǵyn tekserý qajet. Pedagogtar kadry sottylyq máselesine tekserilsin. Jazda balalarmen jumys isteıtinderdi súzgiden ótkizińder», - dedi Q.Aqsaqalov.
Saýyqtyrý oryndarynda maýsymnyń ashylýy 5 maýsymǵa josparlanǵan. Onyń naqty datasy aýa raıy jaǵdaıyna baılanysty bolady.
