SQO ákimi jańa avtokólikter satyp alýǵa tyıym saldy
PETROPAVL. QazAqparat - Soltústik Qazaqstan oblysynyń ákimi Qumar Aqsaqalov qol astyndaǵylarǵa qyzmettik kólikterin jańartýǵa tyıym saldy, dep habarlaıdy QazAqparat tilshisi.
Bul jaıynda Qumar Aqsaqalov SQO ákimdiginiń otyrysynda aıtty.
Buǵan deıin Petropavl qalasy ákimdiginiń 23 mln teńgege eki jeńil avtokólik satyp alýǵa jarııalaǵan loty qoǵamnyń qyzý talqysyna túsken bolatyn.
«Qarjy basqarmasy men aýdan ákimderine qyzmettik avtokólikterdi satyp alýdy toqtatýdy tapsyramyn. Ótken joly, Petropavl ákimdiginiń jańa avtokólikterdi satyp alyp jatqandyǵyn anyqtadyq. Onyń barlyǵyn toqtatý qajet. Bizde aýyz sý, jol, bilim jáne densaýlyq saqtaý sııaqty mańyzdy máseleler bar. Barlyq qarajatty osyǵan baǵyttaý kerek. Al jańa kólikti keıin alasyzdar. Ázirshe eski mashınamen de júrýge bolady», - dedi Qumar Aqsaqalov.
