SQO ákimi túrkistandyq tilshilermen kezdesti
TÚRKІSTAN. QazAqparat - Soltústik óńirge qonys aýdarǵan túrkistandyqtardyń jańa ómirimen tanysý maqsatynda teriskeıge kelgen túrkistandyq jýrnalıster SQO ákiminiń orynbasary Asqar Saqypkereevpen kezdesti, dep habarlaıdy QazAqparat.
Soltústikke kóship kelgenderdiń turmys-tirshiligine toqtalǵan oblys ákiminiń orynbasarynyń aıtýynsha, jeke kásippen aınalysamyn degen azamattarǵa qajetti jaǵdaı jasalyp, jer ýchaskeleri bólinedi, jabdyqtardy alýǵa granttar beriledi, mal basy men qus alýǵa 200 aılyq eseptik kórsetkish kólemine deıin sýbsıdııalar qarastyrylǵan. Sonymen qatar memlekettik baǵdarlama aıasynda nesıeler usynylady.
Buǵan deıin habarlaǵanymyzdaı, Túrkistan oblysynyń bir top jýrnalısi «Túrkistan – Qyzyljar – Qostanaı – Kókshetaý» aqparattyq týry aıasynda soltústik óńirge sapar shekti. Týrdyń basty maqsaty – kúngeıden soltústikke kóship barǵan otbasylardyń turmys-tirshiligimen tanysý.
