SQO ákimi turǵyndardy «konverttegi jalaqy» týraly aqparat berýge shaqyrdy
PETROPAVL. QazAqparat - Soltústik Qazaqstan oblysynda ortasha eńbekaqy mólsheri respýblıka boıynsha sońǵy oryndarda, osyǵan oraı ákimdiktiń otyrysynda naqty sektorda eńbekaqyny kóterý máselesi qaraldy, dep habarlaıdy QazAqparat tilshisi.
SQO ákimi baspasóz qyzmetiniń habarlaýynsha, óńirde respýblıkamen salystyrǵanda halyq tabysy 30 paıyzǵa tómen. Degenmen, jyl basynan beri 140 myń soltústikqazaqstandyqtyń eńbekaqysy ósti. Onyń 48 myńy - bıýdjettik sala qyzmetkerleri. Alǵashqy toqsanda eńbekaqy 10 paıyzǵa ulǵaıyp, 113 myń teńgege jetti. Alaıda agrarlyq, qurylys jáne ónerkásip salalarynda eńbekaqy mólsheri óte tómen.
«Qurylysshylar bizde orta eseppen 125 myń teńge eńbekaqy alsa, respýblıkada bul kórsetkish 214 myń. 2 ese az. Bizdegi qurylystyń 70 paıyzy bıýdjettiki, aqsha bólinedi. ıAǵnı, jumys berýshiler qurylys materıaldary men eńbekaqyǵa berilgen aqshany únemdep otyr. Oblys turǵyndaryn tómen eńbekaqy, «konverttegi jalaqy» týraly anonımdi túrde habarlaýdy suraımyn», - dedi Qumar Aqsaqalov.
Óńir basshysy kásipodaqtar jumysyna da syn aıtty. Ujymdyq kelisimshart óz nátıjesin berer emes. Osy máseleler halyqtyń tabysyn arttyrýǵa arnalǵan vedomstvoaralyq komıssııanyń otyrysynda qarastyrylady. Óńir basshysy jergilikti atqarýshy organdardyń basshylarynyń árqaısysyna óz deńgeıinde osyndaı komıssııa quryp, bul máseleni qatań baqylaýda ustaıdy tapsyrdy.
