SQO ákimi taǵy bir sý qoımasyn salýdy usyndy
PETROPAVL. QazAqparat - Oblys ákimi Ǵ.Músirepov atyndaǵy aýdanynǵa jasaǵan jumys sapary barysynda Rýzaevka aýylyna baryp, sý tasqynynan zardap shekken aýyl turǵyndarymen kezdesti, dep habarlaıdy «QazAqparat» HAA tilshisi óńir basshysynyń baspasóz qyzmetine silteme jasap.
Aýdan ákimi Vladımır Dýdov keltirilgen zalalǵa qaramastan, 119 otbasyǵa 96 myń teńge tólengenin aıtty.
Keıbir turǵyndardyń qajetti qujattarynyń bolmaýyna qaramastan , barlyǵyna az ýaqyt ishinde ótemaqy berilgen. Qıraǵan 10 úıdiń ıelerine úı satyp alyp berildi. Úıleri qatty zardap shekpegen Rýzaevka aýylynyń turǵyndaryna jóndeý jumystaryn júrgizý úshin materıaldyq qoldaý kórsetildi.
«Sizderdiń aqsha, páter alǵandaryńyzben bul jumys aıaqtalmaıdy. Keshe bul másele Memleket basshysynyń tapsyrmasy boıynsha elimizdiń Úkimetinde qaraldy. Sebebin izdedi. Onyń sebebin biz de bilemiz - bıyl qar 1,5-2 ese kóp jaýdy, onyń erýi baıaý boldy, oǵan qosa Sergeevskıı sý qoımasyna sý 1,5 ese kóp keldi. Osyny boldyrmaý úshin Aqmola oblysynda taǵy bir sý qoımasyn salý týraly usynys bildirdik. Qazir bul másele qaralýda, ol sheshiledi dep úmittenemiz. Petropavldaǵy teri zaýyty aýdanynda bóget salamyz, onyń uzyndyǵy 2,5 shaqyrym bolady», - dedi Qumar Aqsaqalov.
