SQO ákimi: Sý tasqynymen kúreste kórshiles óńirlermen baılanysty nyǵaıtý kerek
PETROPAVL. QazAqparat - Soltústik Qazaqtan oblysynyń ákimi Qumar Aqsaqalov kórshiles oblystardyń tótenshe jaǵdaı qyzmetterimen úılese jumys isteýdi tapsyrdy, dep habarlaıdy QazAqparat tilshisi.
SQO ákimdiginiń otyrysynda kóktemgi tasqyny máselesi talqylandy.
SQO ákimi baspasóz qyzmetiniń habarlaýynsha, qazirgi tańda óńirde jaǵdaı turaqty, turǵyn úılerdi sý basý derekteri tirkelgen joq.
Sileti sý qoımasynan jiberilgen sý Ýálıhanov aýdanynda sý deńgeıiniń tez kóterilýine yupal etip, eki aýylǵa qater tóndirgen bolatyn. Qazir Qýlykól jáne Qaratal aýyldarynyń mańynda sý deńgeıiniń tómendegeni baıqalady. Qos aýyldyń turǵyndary óz úılerine oraldy. Oblys ákimi Qumar Aqsaqalovtyń aıtýynsha, bul jaǵdaı birqatar kemshilikterdiń betin ashty.
«Ýálıhanov aýdanyndaǵy jaǵdaı óńir qyzmetteriniń Aqmola oblysyndaǵy áriptesterimen baılanysy nashar ekendigin kórsetti. Bolǵan oqıǵa jóninde der kezinde habar bermeý, Aqmola oblysynyń Tótenshe jaǵdaı departamentimen árekettestiktiń álsizdigi tótenshe jaǵdaıdyń oryn alýyna túrtki bola jazdady. SQO ákiminiń orynbasary Anton Fedıaevke atalǵan faktiler boıynsha mán-jaıdy anyqtap, tıisti qorytyndy shyǵarýdy tapsyramyn», - dedi Qumar Aqsaqalov.
Búgingi tańda Sergeev sý qoımasyna sýdyń kelýi jáne tıisinshe Esil ózeniniń arnasynan shyǵýy yqtımal.
«Barlyq qyzmetter sý tasqyny bola qalǵan jaǵdaıda tıisinshe áreket etýge daıyn bolýy kerek», - dedi óńir basshysy.
Esildiń boıyndaǵy eldi-mekenderdi qorǵap, saıajaılardy tekserip shyǵý kerek.
