SQO ákimi retsiz salynǵan qurylystardy synǵa aldy
PETROPAVL. QazAqparat - «Nur Otan» partııasynyń SQO boıynsha fılıalynyń tóraǵasy oblys ákimi Qumar Aqsaqalov azamattardy qabyldady, dep habarlady óńir basshysynyń baspasóz qyzmetine silteme jasap «QazAqparat» HAA tilshisi.
Óńir basshysyna qurylys salasyndaǵy problemalarmen qurylysshylar qaýymdastyǵynyń tóraǵasy Sergeı Tımofeev júgindi. Ol normatıvtik merzimder respýblıka boıynsha birdeı ekenin aıtty. Bul rette klımattyq erekshelik eskerilmegen, bul óńir qurylysshylaryn yńǵaısyz jaǵdaıǵa qaldyrýda.
«Biz jumysty basynda osy merzimde úlgermeıtinimizdi túsinip bastaýǵa májbúrmiz. Qurylysqa 10-12 aı ketedi. Qazir bul merzim de jetpeıtin boldy. Bizde qurylysta jumys isteý múmkin bolmaıtyn maýsymdar bolady», - dedi Sergeı Tımofeev.
Qumar Aqsaqalov bul máseleni sheshý zańnamalyq deńgeıde múmkin ekenin atap ótti. Óńir basshysy tutastaı Petropavldyń qurylys júıesin jetildirý qajettigine basa mán berdi.
«Bizde, ókinishtisi, úıler retsiz salynýda. Bos oryn bolsa, sala bergen. Retke keltirilgen arhıtektýralyq sheshim joq. Barlyǵy: úı, kommýnıkatsııa, jaryqtandyrý keshendi bolýy tıis», - dedi SQO ákimi.
Gıperpresti kirpishti daıyndap, satý jaıynda kezdesý barysynda kásipker Aleksandr Eşanov aıtty.
Qazir ónimniń sapasy tekserilýde. Óńir basshysy «Nurly jer» baǵdarlamasy boıynsha jeke turǵyn úı qurylysy jobalaryn iske asyrý naýqanyna járdem kórsetýdi tapsyrdy. Nysandardy «Solnechnyı» shaǵyn aýdanynda salý josparlanǵan.
