SQO ákimi orman órtteriniń aldyn alýdy tapsyrdy
PETROPAVL. QazAqparat – Soltústik Qazaqstan oblysy ákimdiginiń otyrysynda orman órtterin boldyrmaýǵa baǵyttalǵan is-sharalardyń júzege asýy talqylandy, dep habarlaıdy QazAqparat ákimniń baspasóz qyzmetine silteme jasap.
Jyl basynan beri oblysta 20 orman órti tirkelgen. Órttiń taraýyna mıneraldy jolaqtardyń sáıkes kelmeýi nemese onyń joqtyǵy da áser etedi. Bul baǵytta jumystardyń ýaqtyly júrgizilmeýi alańdaýshylyq týǵyzady.
«Tıisti jumystardy atqarmaǵan basshylar týraly maǵan aqparat berińiz. Olardy jazalaımyz. Aýdan ákimderimen qajetti is-sharalardy atqaryńyzdar. Keıin maǵan baıandańyz», - dedi oblys ákimi Qumar Aqsaqalov óńirlik TJD basshysy Ramıl Kamalovqa bergen tapsyrmasynda.
