SQO ákimi membaǵdarlamamen salynǵan úılerdiń sapasyna baǵa berdi
PETROPAVL. QazAqparat - Soltústik Qazaqstan oblysynyń ákimi Qumar Aqsaqalov Bereke shaǵyn aýdanynda memlekettik baǵdarlama boıynsha salynǵan úılerdiń birine bardy, dep habarlaıdy «QazAqparat» HAA tilshisi.
Oral kóshesindegi bes qabatty turǵyn úıdi maýsym aıynda qoldanysqa bergen. Jergilikti atqarýshy organda jumys isteıtin kezektegi adamdar men Turǵyn úı qurylys jınaq bankiniń salymshylaryna 100 páter berilgen.
Qumar Aqsaqalov birneshe páterdi aralap, ishki árleýine baǵa berip, turǵyndarmen sóılesti. «Zertteý SK» JShS merdiger uıymynyń dırektory Dmıtrıı Jenchenkonyń aıtýynsha, turǵyn úıdiń qurylysy ótken jyldyń qyrkúıek aıynda bastalǵan. Onyń qurylysy belgilengen merzimde aıaqtalǵan, sapasy da joǵary.
Bul kompanııanyń Petropavlda salǵan ekinshi turǵyn úıi. «Eki-úsh bólmeli páterler standartty túrde jobalanǵan. Eń úlken kólemi - 64 tekshe metrdi quraıdy. Biz endi damyp kele jatqan jas kompanııamyz. Óńirde tabysty jumys isteımiz dep nıettenemiz», - dedi Dmıtrıı Jenchenko.
Bıyl oblysta «Nurly jer» turǵyn úı baǵdarlamasyn júzege asyrý aıasynda jalpy aýmaǵy 117,3 myń tekshe metrdi quraıtyn 1446 páterlik 16 turǵyn úı salynady.
