SQO ákimi Qumar Aqsaqalov jastarmen kezdesti
ASTANA. QazAqparat - Soltústik Qazaqstan oblysynyń ákimi Qumar Aqsaqalov óńir jastaryn oblys ortalyǵyndaǵy kóne baqty jobalaýǵa qatysýǵa shaqyrdy, dep habarlaıdy SQO ákimi baspasóz qyzmeti.
«Petropavl qalasynyń ortasynda baq bar. Sony jobalaýǵa qatysýǵa shaqyramyn. Bul baq jastar úshin bolsyn deseńizder, biz qarjy bólýge ázirmiz. Onyń qalaı bolý kerektigi, qalaı elestetetinderińiz jóninde jobalar usynyńyzdar. Biz erteń-aq qala ákiminde jınalyp, sizderdiń usynystaryńyzdy estıtin, mindetti túrde esepke alatyn bolamyz. Qandaı sporttyq trenajerler, velojoldar, oıyn-saýyq pen demalys oryndary - bári sizderdiń qoldaryńyzben jasalýy kerek. Qııaldańyzdar, ol bizdiń emes, sizderdiń oılaryńyz bolsyn», - dedi Q. Aqsaqalov.
Sondaı-aq óńir ákimi jastarmen kezdesý kezinde Petropavlda Oqýshylar saraıy salynatyndyǵy jóninde aqparatpen bólisti.
Q. Aqsaqalov óz sózinde bıyl Petropavlda óz balalarymyz úshin Oqýshylar saraıy qurylysyn qolǵa alamyz. Ol barlyq talaptarǵa jaýap beretin, barlyq IT-tehnologııasy qoıylatyn qaladaǵy zamanaýı ǵımarat bolady dep atap ótti.
Jıynda oblys ákimi kásibı-tehnıkalyq mekemelerdiń stýdentteri, shyǵarmashyl balalar aqsha tabý múmkindigine ıe bolý úshin jaǵdaı jasaý qajettigine nazar aýdardy.
