SQO ákimi Qumar Aqsaqalov Facebook jelisine tirkeldi

PETROPAVL. QazAqparat - SQO ákimi Qumar Aqsaqalov Facebook jelisine tirkeldi, dep habarlaıdy QazAqparat tilshisi.

SQO ákimi baspasóz qyzmetiniń habarlaýynsha, Qumar Aqsaqalov Facebook áleýmettik jelisinde jeke paraqshasyn ashty. Alǵashqy jazbasynda oblys ákimi atalmysh áleýmettik jeliniń atqarýshy bılik pen halyq arasyndaǵy baılanys kópiri ekenin basa aıtty. Óńir basshysynyń aıtýynsha, ol jeke paraqshasyn pikirtalastar alańyna aınaldyrmaq.

«Jeke paraqshamda Soltústik Qazaqstan oblysynyń ómirindegi tyń jańalyqtarmen, óńirimizdiń damýyna qatysty óz oılarymmen bólisip otyratyn bolamyn. Aımaqtyń damýy men turǵyndardyń ál-aýqatyn jaqsartýǵa qatysty usynystaryńyz ben eskertýlerińiz bolsa jaza otyryńyzdar. Meniń paraqsham ashyq dıalog alańyna aınalýy tıis», - dep jazǵan Qumar Aqsaqalov Feısbýktegi birinshi jazbasynda.