SQO ákimi: Kásipkerler memlekettik qoldaýdy jetkilikti paıdalanbaıdy
SQO ákimi baspasóz qyzmetiniń habarlaýynsha, qazir óńirde 30 myńnan asa shaǵyn jáne orta bıznes sýbektileri bar. 2018 jyldyń qorytyndysy boıynsha barlyq salyqtardyń 56% shaǵyn jáne orta bıznes ókilderi tóledi. 537 mlrd teńgeniń ónimi shyǵaryldy, ósim 3,6% qurady.
Óńir kásipkerleri negizinen saýda-sattyqqa basymdyq beredi. Onyń úlesi 40 %, al óndirispen tek 4 % ǵana aınalysady. Oblysta kásipkerlikti qoldaýǵa arnalǵan memlekettiń 46 baǵyty bar. SQO ákiminiń pikirinshe, kásipkerlik salasynda oń kórsetkishter bolǵanymen, belsendilik áli de tómen.
«Memlekettik qoldaýdyń mehanızmderi jeterlik, kásiporyndardyń sany ósýde, salyq túsimi kóbeıdi, biraq kásipkerlik belsendilik tómen. Bıznesmenderge bar jaǵdaı jasalǵan. Tekseristerdi azaıttyq. 2018 jyly 30%, bıyl taǵy 10 % qysqardy. Barlyq protsester avtomattandyrylyp, kútý ýaqyty qysqardy», - dedi Qumar Aqsaqalov.
