SQO ákimi barlyq mektepterdi Wi-fi jelisine qosýdy tapsyrdy

PETROPAVL. QazAqparat - Soltústik Qazaqstan oblysynyń ákimdiginde mektepterdi ınternetpen qamtamasyz etý máselesi talqylandy, dep habarlaıdy QazAqparat.

Aımaq ákimdiginen málim etkendeı, qazir oblystaǵy mektepterdiń 87% keń jolaqty ınternetke qosylǵan. Petropavl men aýdan ortalyqtarynda bul kórsetkish - 100%, aýyl mektepterinde 85% quraıdy. Jyl sońyna deıin taǵy 41 mektepke ǵalamtor jetedi. Sóıtip, jyl sońynda mektepterdiń 94% keń jolaqty ınternetke qosylsa, ınternetpen qamtasyz etý 100% jetedi. Degenmen, óńir basshysy oblystaǵy mektepterdiń tek 70% ǵana Wi-fi jelisine qosylǵanyn atap ótti.

«Internet bar, Wi-fi joq. Bul da qıyndyqtar týǵyzady. Ásirese, úlken mektepterge. Qyzyljar aýdanynda barlyq mektepter ınternetke qosylǵan, alaıda Wi-fi jelisine tek 25% ǵana. Aýdan ákimderi kelesi jyly bul baǵytqa bıýdjetten qarajat qarastyrsyn», - dedi Qumar Aqsaqalov.

Aımaq ákimi bul máseleni oblystyq bilim basqarmasynyń basshysy Gúlmıra Kárimovaǵa óz baqylaýyna alýdy tapsyrdy.

Aıta ketý kerek, jyl sońynda soltústikqazaqstandyq oqýshylardyń 95% «Kúndelik.KZ» biryńǵaı aqparattyq júıesinde jumys isteı alady. Qala mektepterinde «SMART balabaqsha» jáne «SMART mektep» pılottyq jobalary júzege asyrylýda.