SQO ákimi Azııa chempıonyn jeńisimen quttyqtady
PETROPAVL. QazAqparat - Soltústikqazaqstandyq balýan Nurqoja Qaıpanov Azııa chempıony atandy. Erkin kúres sheberin oblys ákimi Qumar Aqsaqalov feısbýktegi jeke paraqshasynda quttyqtady, dep habarlaıdy QazAqparat tilshisi.
Qytaıda erkin kúresten ótip jatqan Azııa birinshiliginde soltústikqazaqstandyq balýan Nurqoja Qaıpanov altyn medal aldy. 70 kelige deıingi salmaqta kúresetin ol fınalda japonııalyq Kojıro Shıgamen kezdesken bolatyn. Qazaq balýany qarsylasyn 9:0 esebimen taza jeńdi.
Sportshyny ataýly jeńisimen feısbýktegi jeke paraqshasynda SQO ákimi Qumar Aqsaqalov quttyqtady.
«Soltústikqazaqstandyq balýan Nurqoja Qaıpanov erkin kúresten Azııa chempıony atandy. Bul oblys tarıhynda erkin kúresten qorjynǵa túsken alǵashqy altyn júlde. Nurqojany, onyń bapkerin jáne búkil soltústikqazaqstandyqtardy mańyzdy jeńispen quttyqtaımyn!», - dep jazdy Qumar Aqsaqalov Feısbýk jelisinde.
