SQO ákimi aýyldyq ambýlatorııalardy jóndemegenderdi jazalaýǵa ýáde berdi
PETROPAVL. QazAqparat - Soltústik Qazaqstan oblysynyń ákiminiń eseptik kezdesýinde óńir turǵyndary densaýlyq saqtaý salasyna qatysty birqatar máselelerdi kóterdi, dep habarlaıdy «QazAqparat» HAA tilshisi.
Ǵ.Músirepov atyndaǵy aýdannyń Rýzaevka aýylynyń turǵyny Valentına Naýmova sý tasqyny kezinde zaqymdalǵan dárigerlik ambýlatorııanyń jóndelmegenine shaǵymdandy. Onyń aıtýynsha, adamdar Rýzaevkadan 70 shaqyrym qashyqtyqta ornalasqan ortalyq aýdandyq aýrýhanaǵa barýǵa májbúr.
«Men sol ambýlatorııada boldym, tapsyrma berdim! Nege ony osy ýaqytqa deıin jóndemegen?! Mán-jaıdy anyqtap, shara qoldanbaǵandardy jazalaımyz», - dep ýáde berdi oblys ákimi.
Bıdaıyq aýylynda kóliktiń bolmaýy saldarynan dárigerlerdi shaqyra almaı otyr. Turǵyndar aýyldyq ambýlatorııada kóliktiń qashan paıda bolatynyn surady.
«Ár ambýlatorııada avtomobıl bolýy kerek. Bul máseleni qolǵa alamyn. Taıaý ýaqytta sheshemiz», - dep atap ótti Q.Aqsaqalov.
