SQO ákimi apparatynyń qyzmetkerine para aldy degen kúdik keltirilip otyr

PETROPAVL. QazAqparat – Soltústik Qazaqstan oblysynda Sybaılas jemqorlyqqa qarsy qyzmet oblys ákimi apparatynyń qyzmetkerine qatysty para alý isi boıynsha sotqa deıingi tergeýdi bastady, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń SQO boıynsha departamenti baspasóz qyzmetiniń málimetinshe, kúdikti - «Soltústik Qazaqstan oblysy ákiminiń apparaty» KMM basqarmalarynyń biriniń basshysy mindetin atqarýshysy.

Laýazymdy tulǵa tıisti sharttary buryn oryndalyp qoıǵan memlekettik satyp alý týraly shart jasasqany úshin merdiger uıym dırektorynan aqshalaı para alý kúdigine ilindi. Paranyń somasy 900 myń teńge shamasynda.

Іstiń qalǵan mán-jaıy tergeý múddesine oraı ázirge jarııa etilgen joq.

Іs boıynsha túpkilikti sheshim tergeý áreketterin júrgizý nátıjeleri boıynsha qabyldanatyn bolady.