SQO ákimi agrarshylarǵa talapty kúsheıtýge ýáde etti
PETROPAVL. QazAqparat - Soltústik Qazaqstan oblysynyń ákimi Qumar Aqsaqalov Jambyl aýdanyndaǵy qorytyndy eseptik kezdesýde jekeleı jergilikti aýylsharýashylyq fırmalarynyń jumysyn synǵa aldy, dep habarlaıdy «QazAqparat» HAA tilshisi.
Aýdan ákimi Ivan Týrkovtyń esebi boıynsha, aýyl sharýashylyǵy damyp keledi.
«Aýdanda «Shatılo ı K», «Atameken Agro» JShS-lary belsendi jumys istep jatyr. Jalpy egin kólemi 99 myń gektardan (30%) asady. Jańa agrotehnıkalyq is-sharalardy qoldanýdyń arqasynda astyq ónimdiligi men dándi-burshaqty daqyldar 21,4 ts/gektardy qurady. Óndiristi avtomattandyrý qoldanylýda», - dedi I. Týrkov.
Óńir basshysy agrarshylardyń túbi belgisiz tuqymdardy qoldanyp, tyńaıtqyshtardy paıdalanbaı, qalaı túsim alatyndaryn túsinbedi.
«Bizdiń damýdaǵy basty áleýetimiz - jerimizdiń baı bolýy. Jer - memlekettiki. Ol aýyl sharýashylyǵy qurylymdaryna ony paıdaǵa asyrý úshin jalǵa berilgen. Taǵy da resmı túrde málimdeımin, bıyl barlyq aýylsharýashylyq óndirýshilerine talapty kúsheıtemiz», - dedi ol.
Qumar Aqsaqalov aýdan ákimine mal sharýashylyǵyn damytýmen aınalysýdy tapsyrdy.
